వివాదాస్పద వ్యాఖ్యలకు కేర్ ఆఫ్ అడ్రస్ అయిన దర్శకుడు రామ్ గోపాల్ వర్మ, తన సోషల్ మీడియా ఫాలోవర్స్ కు షాక్ ఇచ్చాడు. ఎప్పుడు ప్రతివిషయాన్ని రెండోవైపునుంచి ఆలోచించి అడ్డంగా మాట్లాడే వర్మ, అనూహ్యంగా సారీ చెప్పాడు. గతంలో మెగా ఫ్యామిలీ హీరోల మీద అనుచిత వ్యాఖ్యలు చేసినందుకుగాను నన్ను క్షమించండి అంటూ అభిమానులను కోరాడు. సోమవారం మెగాస్టార్ చిరంజీవి పుట్టిన రోజు సందర్భంగా చిరు 150వ సినిమా ఖైది నంబర్ 150 ఫస్ట్ లుక్ రిలీజ్ సందర్భంగా వర్మ ఈ వ్యాఖ్యలు చేశాడు.
అంతేకాకుండా మెగాస్టార్ ఫస్ట్ లుక్ పోస్టర్ ను తన ట్విట్టర్ లో పోస్ట్ చేసిన వర్మ ‘మెగాస్టార్ లుక్ అమేజింగ్, ఈ లుక్ చూస్తుంటే సినిమా గ్యారెంటీ బ్లాక్ బస్టర్ అనిపిస్తోంది. ఇది మెగాస్టార్ కెరీర్ లోనే బెస్ట్ లుక్. ఖైదీ నంబర్ 150 సూపర్ క్లాసీ, సూపర్ ఇంటెన్స్ లుక్ అంటూ ఈ లుక్ చూసిన తరువాత నేను గతంలో చేసిన కామెంట్స్ విషయంలో మెగా అభిమానులను క్షమాపణ కోరాలనుకుంటున్నాను’. అని కామెంట్ చేశాడు. చూదాం ఈ సినిమా రిలీజ్ లోపు ఇంకెన్ని సార్లు తన ఉనికి చాటుకోవడానికి మెగాస్టార్ ని వాడుకుంటాడో…