టాలీవుడ్ బ్యూటీ రెజీనాకు మంచి హిట్స్ ఉన్నా.. అవేవీ భారీ ఆఫర్స్ తెచ్చిపెట్టలేకపోయాయి. ప్రస్తుతం అమ్మడి చేతిలో ఎక్కువ సినిమాలే ఉన్నా.. స్టార్ వాల్యూ ఉన్న ప్రాజెక్ట్ ఒక్కటీ లేదని సమాచారం. చిన్న హీరోలతోనే వరుస సినిమాలు చేస్తున్న ఈ సుందరి.. రీసెంట్ గా కమెడియన్ కం డైరెక్టర్ అవసరాల శ్రీనివాస్ తో జోడీ కట్టేందుకు ఓకే చెప్పిన సంగతి తెలిసిందే. ఈ చిత్రం బాలీవుడ్ సెక్స్ కామెడీ మూవీ ‘హంటర్’కు తెలుగు రీమేక్.
రెజీనా మరో కమెడియన్ తో జోడీ కట్టనున్నట్లు వార్తలొస్తున్నాయి. ఈ మూవీలో హీరో కోలీవుడ్ స్టార్ కమెడియన్ సంతానం అట. ఐటీ ఇండస్ట్రీ బ్యాక్ డ్రాప్ లో ఈ చిత్రం తెరకెక్కుతుందని అంటున్నారు. సంతానం.. కమెడియన్ నుంచి హీరోగా మారాడు. ఇటీవలిగా అతడి సినిమాలు మంచి విజయాలే అందుకున్నాయి. దీంతో అతడితో నటిస్తే.. తన ఖాతాలో మరో సక్సెస్ చేరుతుందని రెజీనా భావిస్తోంది.