ఎన్టీఆర్‌ హీరోగా తెరకెక్కుతోన్న చిత్రం ‘జనతా గ్యారేజ్‌’ సినిమాలో ఇప్పటికే భారీ తారాగణం నటిస్తోంది. సినిమాకి యంగ్‌ టైగర్‌ ఎన్టీఆర్‌ నటన ఒక ఎత్తైతే, మలయాళ్‌ సూపర్‌స్టార్‌ మోహన్‌లాల్‌ నటన మరో ఎత్తు. ఇద్దరికిద్దరూ పోటీ పడి నటించారట ఈ సినిమాలో. సమంత, నిత్యామీనన్‌ పాత్రలు కూడా తమ అందచందాలతో ఆకట్టుకోవడమే కాకుండా, నటనకు ప్రాధాన్యత ఉండేలాగే డిజైన్‌ చేశారట.
అంతేకాదు ఈ సినిమాలో భారీ డైలాగులు, భారీ భారీ సెట్టింగులతో ఫైట్లు అదిరిపోయాయట. ఈ నెల 12న ఈ సినిమా ఆడియో విడుదల వేడుకను కూడా భారీగానే చేయనున్నారట. అంతే కాదు డిఫరెంట్‌గా ఈ ప్రోగ్రామ్‌ని ప్లాన్‌ చేస్తున్నారట చిత్ర యూనిట్‌. ఇంత వరకూ ఎన్టీఆర్‌ చేసిన డాన్సుల్లో పోలిస్తే ఈ సినిమాలో డాన్సులు చాలా బాగా చేశాడంట ఎన్టీఆర్‌. అంతేకాదు మాస్‌ డాన్సుల్లో హీరోయిన్‌ సమంత కూడా తన డాన్సింగ్‌ టాలెంట్‌ని చూపించిదట.
సమంత, నిత్యామీనన్‌లు కలిసి నటించిన ‘సన్నాఫ్‌ సత్యమూర్తి’ సినిమా ఘన విజయం సాధించింది. అలాగే ఆ సెంటిమెంటు వర్కవుట్‌ అయ్యి ఈ సినిమాకి కూడా హిట్‌ గ్యారంటీ అంటున్నారు ఫిల్మ్‌ నగర్‌ వర్గాలు. ప్రస్తుతం ఎన్టీఆర్‌ వరుస విజయాలతో దూసుకెళ్తున్నాడు. ‘టెంపర్‌’, నాన్నకు ప్రేమతో’ సినిమాలతో సూపర్‌ హిట్‌లను అందుకున్న ఎన్టీఆర్‌కి ఈ సినిమా హిట్‌పై కూడా చాలా నమ్మకంగా ఉన్నాడు. కొరటాల శివ దర్శకత్వంలో తెరకెక్కుతోన్న ఈ సినిమాకి కాజల్‌ ఐటెం సాంగ్‌ ప్రత్యేక ఆకర్షణ కానుంది.