మెగాస్టార్ చిరు రాజ‌కీయాల్లో సైలెంట్ అయ్యి సినిమాల్లో గేర్ మార్చేశాడు. ప‌దేళ్ల గ్యాప్ త‌ర్వాత త‌న 150వ సినిమా ఖైదీ నెంబ‌ర్ 150తో బాక్సాఫీస్ లెక్క‌లు స‌రిచేసిన చిరు ఇప్పుడు వ‌రుస‌గా సినిమాలు చేసేందుకు ప్లాన్ చేసుకుంటున్నారు. చిరు 151వ సినిమాగా ప్ర‌ముఖ స్వాతంత్య్ర స‌మ‌ర‌యోధుడు ఉయ్యాలవాడ న‌ర‌సింహారెడ్డి సినిమా తెర‌కెక్కుతోన్న సంగ‌తి తెలిసిందే.
కొణిదెల ఎంట‌ర్‌టైన్‌మెంట్ బ్యాన‌ర్‌పై చిరు త‌న‌యుడు రాంచ‌ర‌ణ్ నిర్మిస్తోన్న ఈ సినిమాకు స్టైలీష్ డైరెక్ట‌ర్ సురేంద‌ర్‌రెడ్డి ద‌ర్శ‌క‌త్వం వ‌హిస్తోన్న సంగ‌తి తెలిసిందే. ఇక 152వ సినిమాను చిరు మాస్ డైరెక్ట‌ర్ బోయ‌పాటి శ్రీనుకు క‌మిట్ అయిన సంగ‌తి తెలిసిందే. ఈ సినిమాను సైతం రాంచ‌ర‌ణే నిర్మిస్తున్నాడు.
2018లో ఉయ్యాలవాడ న‌ర‌సింహారెడ్డి విడుద‌ల కానుంది. ఇక ఆ త‌ర్వాత 152 బోయ‌పాటితో చేయ‌బోతున్న‌ట్లు మ‌రోసారి క‌న్ఫ‌ర్మ్ చేసాడు మెగాస్టార్. 153 కోసం అశ్వినీద‌త్.. 154 కోసం జెమిని కిర‌ణ్ సిద్ధంగా ఉన్నార‌ట. చూస్తుంటే ఏడాదికి రెండు సినిమాల‌తో ర‌ప్ఫాడించేలా ఉన్నాడు మెగాస్టార్.