దసరాకు స్పైడర్ సినిమాతో భారీ అంచనాల మధ్య ప్రేక్షకుల ముందుకు వచ్చి డిజప్పాయింట్ చేసిన సూపర్స్టార్ మహేష్బాబు ప్రస్తుతం కొరటాల శివ దర్శకత్వంలో భరత్ అను నేను సినిమాలో నటిస్తోన్న సంగతి తెలిసిందే. గతంలో కొరటాల – మహేష్ కాంబోలో వచ్చిన శ్రీమంతుడు సినిమా సూపర్ డూపర్ హిట్ అవ్వడంతో ఇప్పుడు ఈ సినిమాపై మంచి అంచనాలు ఉన్నాయి.
ప్రస్తుతం ఈ సినిమా షూటింగ్ హైదరాబాద్ పరిసర ప్రాంతాల్లో జరుగుతోంది. పొలిటికల్ థ్రిల్లర్ నేపథ్యంలో ఈ సినిమా తెరకెక్కుతోంది. మహేష్ ఈ సినిమాలో సీఎంగా కనిపిస్తాడని ప్రచారం జరుగుతోంది. ఈ సినిమా తర్వాత మహేష్బాబు వంశీ పైడిపల్లి దర్శకత్వంలో ఓ కమర్షియల్ యాక్షన్ ఎంటర్టైనర్లో నటిస్తోన్న సంగతి తెలిసిందే.
మహేష్ కెరీర్లో ప్రతిష్టాత్మకమైన 25వ సినిమాగా తెరకెక్కుతోన్న ఈ సినిమాలో యంగ్ కమెడియన్ అల్లరి నరేష్ కూడా ఓ పాత్రలో నటిస్తోన్న సంగతి తెలిసిందే. వైజయంతీ మూవీస్ అధినేత చలసాని అశ్వనీదత్ – దిల్ రాజు సంయుక్తంగా నిర్మిస్తోన్న ఈ సినిమాకు రెండు టైటిల్స్ పరిశీలనలో ఉన్నట్టు టాలీవుడ్ ఇన్నర్ సైడ్ టాక్.
ఈ సినిమా టైటిల్పై వస్తోన్న లేటెస్ట్ అప్డేట్ ప్రకారం ‘కృష్ణా ముకుందా మురారి’ , ‘హరేరామ హరే కృష్ణ’ అనే రెండు టైటిల్స్ ఈ సినిమాకు పరిశీలిస్తున్నట్లు తెలుస్తోంది. వీటి రెండిటిలోనే ఏదో ఒకదాన్ని ఫైనల్ చేసే అవకాశాలున్నాయని టాక్. టైటిల్ను బట్టి చూస్తుంటే సినిమా ఫ్యామిలీ + యాక్షన్ జానర్లో ఉంటుందని తెలుస్తోంది.