శ్రీ‌వారి సేవ‌లో ప‌వ‌న్ క‌ళ్యాణ్‌.. వైర‌ల్‌గా ఫొటోలు!

January 22, 2021 at 11:57 am

ప‌వ‌ర్ స్టార్ ప‌వ‌న్ క‌ళ్యాణ్‌.. ఓవైపు రాజ‌కీయాలు, మ‌రోవైపు వ‌రుస సినిమాల‌తో ఫుల్ బిజీగా గ‌డుపుతున్న సంగ‌తి తెలిసిందే. ముఖ్యంగా సినిమాల‌ విష‌యానికి వ‌స్తే.. ఇప్ప‌టికే వేణు శ్రీ‌రామ్ ద‌ర్శ‌క‌త్వంలో `వ‌కీల్ సాబ్‌` సినిమాను పూర్తి చేసిన ప‌వ‌న్‌.. క్రిష్ ద‌ర్శ‌క‌త్వంలో ఓ చిత్రం, హ‌రీష్ శంక‌ర్ ద‌ర్శ‌క‌త్వంలో ఓ చిత్రం మ‌రియు మలయాళ సూపర్‌ హిట్‌ అయ్యప్పమ్‌ కోషియమ్‌ రీమేక్‌లో న‌టించ‌నున్నాడు.

ఇదిలా ఉంటే.. తాజాగా ప‌వ‌న్ తిరుమ‌ల శ్రీ‌వారిని దర్శించుకున్నారు. తిరుపతి ఉప ఎన్నికల నేపథ్యంలో అక్కడకు వెళ్లిన జనసేనాని ఈ రోజు ఉదయం పూర్తి సంప్రదాయ వస్త్రధారణలో తిరుమల శ్రీవారిని దర్శించుకున్నారు. అనంతరం ఆయనకు అర్చ‌కులు తీర్థ, ప్రసాదాలను అందజేశారు.

 పూర్తి సంప్రదాయ వస్త్రధారణలో పవన్ కళ్యాణ్ తిరుమల శ్రీవేంకటేశ్వరస్వామిని దర్శనం చేసుకున్నారు. ఆలయ అధికారులు పవన్ కళ్యాణ్‌కు తీర్థ ప్రసాదాలు అందజేశారు.

ఇక ప‌వ‌న్‌తో వెంట జ‌న‌సేన నేత‌ నాదెండ్ల మనోహర్‌తో పాటు మరి కొందరు స్థానిక‌ నేతలు కూడా ఉన్నారు. ప్ర‌స్తుతం ఇందుకు సంబంధించిన ఫొటోలు వైర‌ల్‌గా మారాయి. కాగా, శ్రీ‌వారిని ద‌ర్శించుకునేందుకు ప‌వ‌న్ రావ‌డంతో.. ఆయ‌న‌ను చూసేందుకు అభిమానులు పెద్ద సంఖ్యలో ఆలయం వద్దకు చేరుకున్నారు.

 

 తిరుపతి ఉప ఎన్నికల్లో ఎవరు పోటీ చేయాలనేదానిపై ఇప్పటికే ఓ క్లారిటీకి వచ్చామని, మరో వారంలో దీనిపై ప్రకటన ఉండొచ్చని పవన్ కళ్యాణ్ అన్నారు.

 ‘తిరుపతిలో ఎవరు పోటీ చేయాలనే అవగాహనకు వచ్చాం. ఇంకా రెండు సార్లు సిట్టింగ్ వేస్తాం. హైదరాబాద్, మంగళగిరి ఢిల్లీలో కూర్చుని మాట్లాడతాం. జనసేన అభ్యర్థి పోటీ చేస్తే తిరుపతిలోని ఏడు అసెంబ్లీ నియోజకవర్గాల్లో ప్రచారం చేస్తా.’ అని పవన్ కళ్యాణ్ అన్నారు.

శ్రీ‌వారి సేవ‌లో ప‌వ‌న్ క‌ళ్యాణ్‌.. వైర‌ల్‌గా ఫొటోలు!
0 votes, 0.00 avg. rating (0% score)


Related Posts