`ఖిలాడి` సెట్స్‌లో ర‌వితేజ‌.. నెట్టింట్లో మాస్ రాజా ఫొటో వైర‌ల్‌!

January 19, 2021 at 9:01 am

గ‌త కొన్నేళ్లుగా వ‌రుస ఫ్లాపుల‌తో స‌త‌మ‌త‌మ‌వుతున్న మాస్ మ‌హారాజా ర‌వితేజ.. ఇటీవ‌ల విడుద‌లైన‌ `క్రాక్` చిత్రంతో మ‌ళ్లీ సూప‌ర్ ఫామ్‌లోకి వ‌చ్చేశాడు. గోపీచంద్ మలినేని దర్శకత్వం వ‌హించిన ఈ చిత్రం.. సంక్రాంతికి విడుద‌లై మాస్ మ‌సాలా ఎంట‌ర్టైన‌ర్‌గా హిట్ అందుకుంది. అయితే ఈ సినిమా విడుద‌ల‌కు ముందే ర‌వితేజ మ‌రో సినిమాను ప్ర‌క‌టించిన సంగ‌తి తెలిసిందే.

అదే `ఖిలాడి`. రమేష్ వర్మ దర్శకత్వంలో తెరకెక్కుతున్న ఈ మూవీలో మీనాక్షి చౌదరి, డింపుల్‌ హయతి హీరోయిన్లుగా నటిస్తున్నారు. డా.జయంతిలాల్‌ గడ సమర్పణలో ఏ స్టూడియోస్‌, పెన్‌ స్టూడియోస్‌ పతాకాలపై సత్యనారాయణ కోనేరు ఈ చిత్రాన్ని నిర్మిస్తున్నారు. ఇటీవ‌ల ప్రారంభం అయిన ఈ సినిమాలో షూటింగ్‌లో.. తాజాగా ర‌వితేజ కూడా జాయిన్ అయ్యాడు.

ఇదే విష‌యాన్ని సోష‌ల్ మీడియా ద్వారా ర‌వితేజ అభిమానుల‌తో పంచుకున్నాడు. లైట్స్.. కెమెరా.. యాక్షన్ అంటూ క్యాప్షన్ ఇస్తూ.. ఖిలాడి సెట్‏లో దిగిన సెల్ఫీని తన ట్విట్టర్లో పోస్ట్ చేశాడు ర‌వితేజ‌. ఈ ఫొటోలో ర‌వితేజ చాలా స్మార్ట్‌గా క‌నిపిస్తున్నాడు. ఇక ఆ ఫోటో సోషల్ మీడియాలో తెగ‌ వైరల్ అవుతోంది.

`ఖిలాడి` సెట్స్‌లో ర‌వితేజ‌.. నెట్టింట్లో మాస్ రాజా ఫొటో వైర‌ల్‌!
0 votes, 0.00 avg. rating (0% score)


Related Posts