‘బతుకు బస్టాండ్‌’ ఫస్ట్‌ గ్లింప్స్‌ రిలీజ్..!

టాలీవుడ్‌ లో ఇప్పటి దాకా మెగా ఫ్యామలీ నుంచే ఎక్కువ మంది హీరోస్ వచ్చారు. ఇప్పుడు అల్లు ఫ్యామిలీ నుంచి మరో కొత్త హీరోలు వస్తున్నారు. తెలుగు తెరకు హీరోగా పరిచయం అవుతున్నాడు విరాన్‌ ముత్తం శెట్టి. ఈ మధ్యనే అల్లు అర్జున్‌ పుట్టినరోజు సందర్బంగా ఈ కుర్రహీరో తన మొదటి మూవీ ఫస్ట్‌ లుక్‌ ని విడుదల చేశాడు. బతుకు బస్టాండ్‌ పేరుతో వస్తోన్న ఈ చిత్రం ఫస్ట్‌ గ్లింప్స్‌ రిలీజ్ అయ్యి ప్రేక్షకులను బాగా ఆకట్టుకుంటోంది.

ఫుల్‌ మాస్‌ చిత్రంగా ఇది తెరకెక్కుతోందని గ్లింప్స్‌ చూస్తే అర్థమవుతోంది. ఐవీ రెడ్డి దర్శకత్వంలో తెరకెక్కుతోన్న ఈ చిత్రానికి ప్రముఖ శేఖర్‌ మాస్టర్‌ డాన్స్‌ కంపోజ్‌ చేస్తున్నారు. యెలేందర్‌ మహావీర్‌ ఈ చిత్రానికి సంగీతం అందిస్తున్నాడు. నికిత అరోరా, శృతిశెట్టి హీరోయిన్లుగా ఈ మూవీలో నటిస్తున్నారు. ఈ చిత్రాన్ని కవిత, మాధవి సంయుక్తంగా నిర్మిస్తున్నారు. జూన్‌ 11న బతుకు బస్టాండ్‌ చిత్రం ప్రేక్షకుల ముందుకు రానుంది.