భార‌త్‌లో క‌రోనా వీర విజృంభ‌ణ‌..ల‌క్ష‌న్న‌ర‌కు పైగా కొత్త కేసులు!

April 11, 2021 at 11:08 am

ప్ర‌జ‌ల‌కు, ప్ర‌భుత్వాల‌కు మ‌ళ్లీ క‌రోనా వైర‌స్ ముచ్చెమ‌ట‌లు ప‌ట్టిస్తోంది. త‌గ్గిన‌ట్టే త‌గ్గిన ఈ మ‌హ‌మ్మారి.. ప్ర‌స్తుతం శ‌ర వేగంగా విజృభిస్తోంది. ఓవైపు వ్యాక్సినేష‌న్ ప్ర‌క్రియ కొన‌సాగుతున్న‌ప్ప‌టికీ.. క‌రోనా జోరు ఏ మాత్రం త‌గ్గ‌డం లేదు. భార‌త్‌లో కూడా క‌రోనా కేసులు భారీగా న‌మోదు అవుతున్నాయి

గత 24 గంటల్లో భారత్‌లో 1,52,879 మందికి కొత్తగా కరోనా సోకింది. తాజా కేసుల‌తో దేశ‌వ్యాప్తంగా క‌రోనా పాజిటివ్ కేసుల సంఖ్య 1,33,58,805 కు చేరుకుంది. అలాగే నిన్న 839 మంది క‌రోనా కార‌ణంగా మ‌ర‌ణించారు. దీంతో దేశంలో క‌రోనా మ‌ర‌ణాల సంఖ్య 1,69,275 ‌కు పెరిగింది.

ఇక నిన్న ఒక్క‌రోజే 90,584 మంది కోలుకోగా.. ఇప్ప‌టి వ‌ర‌కు దేశంలో కరోనా నుంచి 1,20,81,443 మంది హాస్ప‌ట‌ల్ నుంచి డిశ్చార్జ్ అయ్యారు. అలాగే 11,08,087 మంది ఆసుపత్రుల్లో చికిత్స అందుతోంది. కాగా, ఇప్ప‌టి వ‌ర‌కు దేశ‌వ్యాప్తంగా క‌రోనా టెస్ట్‌ల సంఖ్య 25,66,26,850 కు చేరుకుంది.

భార‌త్‌లో క‌రోనా వీర విజృంభ‌ణ‌..ల‌క్ష‌న్న‌ర‌కు పైగా కొత్త కేసులు!
0 votes, 0.00 avg. rating (0% score)


Related Posts