కళ్ళు చెదిరేలా రాజ‌స్థాన్ రాయ‌ల్స్ జెర్సీ లాంచ్ వీడియో..!

క‌ళ్లు చెదిరే రీతిలో రాజ‌స్థాన్ రాయ‌ల్స్ కొత్త జెర్సీ లాంచ్‌ చేసింది. ఐపీఎల్ టీమ్ రాజ‌స్థాన్ రాయ‌ల్స్ కొత్త సీజ‌న్‌కు ముందు తమ కొత్త జెర్సీని లాంచ్ చేసింది. ఆదివారం నాడు రాత్రి జైపూర్‌లోని స‌వాయ్ మాన్‌సింగ్ స్టేడియంలో ఈ జెర్సీ లాంచ్ క‌ళ్లు చెదిరే రేంజ్ లో జ‌రిగింది. ఈ జెర్సీని లాంచ్ చెయ్యటం కోసం స్టేడియంలో భారీ స్క్రీన్ ని ఏర్పాటు చేశారు.

ముందు ఓ వీడియో మాంటేజ్ ప్లే చేసిన త‌ర్వాత రాజ‌స్థాన్ రాయ‌ల్స్ ప్లేయ‌ర్స్ త్రీడీ ప్రొజెక్ష‌న్స్ లో కొత్త జెర్సీల్లో కనిపించి కనువిందు చేశారు. ఇప్ప‌టికే మిగ‌తా టీమ్స్ జెర్సీ లాంచ్‌ల‌ను నిర్వ‌హించినా సరే, రాజ‌స్థాన్ రాయ‌ల్స్ వారు చేసిన జెర్సీ లాంచ్ చాలా అద్భుతంగా ఉన్న‌ద‌ని అందరు అంటున్నారు. ప్ర‌స్తుతం ముంబైలో ఉన్న రాజ‌స్థాన్ టీమ్ ఈ నెల 12న పంజాబ్ కింగ్స్‌తో తొలి మ్యాచ్ ఆడబోతుంది.