ఏపీలో మ‌ళ్లీ భారీగా న‌మోదైన క‌రోనా కేసులు..తాజా లిస్ట్ ఇదే!

May 18, 2021 at 7:53 pm

ప్ర‌పంచ‌దేశాల‌కు క‌నిపించ‌ని శ‌త్రువుగా మారిన క‌రోనా వైర‌స్‌..చిన్నా, పెద్ద అని తేడా లేకుండా అంద‌రినీ ముప్ప తిప్ప‌లు పెడుతోంది. ఇప్ప‌టికే ఈ ప్రాణాంత‌క వైర‌స్ కార‌ణంగా కొన్ని ల‌క్ష‌ల మంది ప్రాణాలు విడ‌వ‌గా.. ప్ర‌స్తుతం ఈ మ‌హ‌మ్మారిని అంతం చేసేందుకు వ్యాక్సినేష‌న్ ప్రారంభించారు అధికారులు.

ఇదిలా ఉంటే.. ఆంధ్ర‌ప్ర‌దేశ్ రాష్ట్రంలో క‌రోనా పాజిటివ్ కేసులు మొన్న త‌గ్గ‌గా.. నిన్న మ‌ళ్లీ భారీగా నమోదు అయ్యాయి. ఏపీ రాష్ట్ర వైద్య, ఆరోగ్య శాఖ తాజాగా వెల్లడించిన వివరాల ప్రకారం.. గడిచిన 24 గంటల్లో కొత్తగా 21,320 పాజిటివ్ కేసులు నమోదయ్యాయి. దీంతో రాష్ట్రంలో క‌రోనా పాజిటివ్ కేసులు 14,75,372 కి చేరింది. అలాగే గత 24 గంటల్లో 99 మంది మృత్యువాత ప‌డ్డారు.

ప్ర‌స్తుతం రాష్ట్రంలో మృతుల సంఖ్య 9,580 ద‌గ్గ‌ర నిలిచింది. అలాగే నిన్నొక్క రోజే 21,274 మంది క‌రోనా నుంచి పూర్తిగా కోలుకోగా.. ఇప్ప‌టివ‌ర‌కు రాష్ట్రంలో మొత్తం రికవరీల సంఖ్య 12,54,291 కి చేరుకుంది. ప్ర‌స్తుతం ఏపీలో 2,11,501 యాక్టివ్ కేసులు ఉన్నాయి. ఇక నిన్న ఒక్క రోజే 91,253 క‌రోనా టెస్ట్‌లు నిర్వ‌హించారు అధికారులు.

ఏపీలో మ‌ళ్లీ భారీగా న‌మోదైన క‌రోనా కేసులు..తాజా లిస్ట్ ఇదే!
0 votes, 0.00 avg. rating (0% score)


Related Posts