పాన్ ఇండియా స్టార్ హీరో ప్రభాస్ హీరోగా ప్యాన్ ఇండియా రేంజ్ చిత్రంగా తెరకెక్కుతున్న రాధేశ్యామ్ మూవీ అటు మూవీ థియేటర్లతో పాటు ఓటీటీలో కూడా రిలీజ్ కాబోతుందని వార్తలు చక్కర్లు కొడ్తున్నాయి. ప్రస్తుతం ఈ వార్త ఇప్పడు సోషల్ మీడియాలో హల్చల్ అవుతుంది. బాలీవుడ్ హీరో సల్మాన్ ఖాన్ ఇటీవలే నటించిన రాధే చిత్రం కూడా ఈద్ పండుగ సందర్బంగా మే 13న థియేటర్లతో పాటు ఓటీటీలో విడుదల చేస్తామని ప్రకటించారు.
కానీ ఆ చిత్రాన్ని మేకర్స్ ఓటీటీలో పే-ఫర్ వ్యూ పద్ధతిలో విడుదల చేయనున్నారట. అదే పద్దతిలో రాధేశ్యామ్ చిత్రం కూడా రిలీజ్ చేస్తారని వినిపిస్తుంది. కానీ ఈ వార్తల్ని మూవీ యూనిట్ ఖండిస్తోంది. అసలు రాధేశ్యామ్ చిత్రాన్ని జూలై 30న రిలీజ్ చేసేందుకు ప్లాన్ చేసారు మేకర్స్ కానీ కరోనా సెకండ్ వేవ్ నేపథ్యంలో సినిమా వాయిదా పడుతుందని అంటున్నారు దర్శకుడు. మరి ఈ రూమర్స్ పై సినీ నిర్మాతలు ఎప్పుడు క్లారిటీ ఇస్తారో వేచి చూడాల్సిందే.