దక్షిణాది బాషలైన తెలుగు, త‌మిళం, మ‌ల‌యాళ భాష‌ల్లో వరుస సినిమాలు చేస్తూ మెయిన్ హీరోయిన్ గా కొన‌సాగుతున్న వారిలో సాయిప‌ల్ల‌వి ఒకటి. కేవలం యాక్టింగ్ మాత్రమే కాకుండా ఇర‌గ‌దీసే డ్యాన్సింగ్ స్టైల్ ఆవిడ సొంతం. ఈ బ్యూటీ ను హీరోయిన్ గా చేస్తున్న సినిమాకు క్రేజ్ అమాంతం పెరిగిపోతుంది అంటే నమ్మండి. సాయి పల్లవి తెలుగులో నటించిన ల‌వ్ స్టోరీ, విరాట‌ప‌ర్వం సినిమాలు విడుద‌లకు సిద్దంగా ఉన్నాయి. అంతే కాదండోయ్.. ఈ మధ్య ఈవిడ ద‌గ్గ‌రికి బాలీవుడ్ ఆఫ‌ర్లు కూడా క్యూ కడుతున్నాయ‌న్న వార్త టాక్ ఆఫ్ ది ఇండస్ట్రీ గా మారింది.
నిజానికి బాలీవుడ్ లో అనేక లీడింగ్ బ్యాన‌ర్లు ప‌ల్ల‌వితో సినిమాలు చేసేందుకు ముందుకొచ్చాయ‌ని టాలీవుడ్ ఇండస్ట్రీ టాక్. మొత్తానికి ఇప్పుడు ఈ టాప్ హీరోయిన్ ఇక హిందీలో కూడా త‌న స‌త్తా చాటేందుకు రెడీ అవుతుంద‌నడానికి తాజాగా తెర‌పైకి వ‌స్తున్న వార్త‌లు ఉదాహ‌ర‌ణ‌గా చెప్పొచ్చు. అంతేకాదు మ‌రోవైపు టాలీవుడ్ న్యాచురల్ స్టార్ నాని తో శ్యామ్ సింగ‌రాయ్ సినిమాలో సాయిప‌ల్ల‌వి నటిస్తోంది.